الصحة والأسرة
كيفية التوفير فى المسحوق الاتوماتيك ومضاعفة كميته
المكونات:
4كيلو او 5 من مسحوق اتوماتيك رخيص
كيلو ملح ليمون
نص كيلو كربوناتو
ياجماعة الكربوناتو ليها اكتر من اسم علشان متتلخبطوش
(بيكربونات الصوديوم اوصودا الخبز اوبيكنج صودا )
واخلطوهم مع بعض هيبقى عندكم كدا 6كيلو ونص
وفى حاجة كمان عند بتوع المنظفات اسمها فانيش
حبيبات ملونة باجيب ازازة ربع كيلو للبقع الصعبة
وانا مش محتاجاه للبقع انا بس عاوزة ارفع كفائة المسحوق
ودى باضيفها للمسحوق بتنضف اى بقع جميلة جدا
ولو هتعملوا مسحوقك للابيض لوحده يبقى هتزودى
الكمية من ملح الليمون والكربوناتو وحطى فى درج
الغسالة شوية خل اوعصيرة ليمون بتخلى الابيض منور زى الفل
ومتخافيش من الخلطة خالص لان ملح الليمون بيحافظ على الحلة لانها استانلس
ومتنسيش كل شهر دورة الخل علشان تنضفى الغسالة
من جوه والرواسب اللى فيها والاوساخ املى الكوباية خل
وحطيها فى درج المسحوق وشغليها دورة كاملة بدون غسيل ولا مسحوق
