مرتضى منصور: أنقذنا الزمالك من خراب ممدوح عباس.. المفروض يتعمل لنا تمثال
أكد مرتضى منصور رئيس مجلس إدارة نادي الزمالك، أن مجلس ممدوح عباس تسبب في تراكم الديون على القلعة البيضاء، وهو ما تسبب في الأزمة المالية التي يعاني منها.
ويعقد مرتضى منصور، مؤتمرًا في نادي الزمالك، ظهر اليوم الاثنين، بمقر النادي في ميت عقبة بحضور غالبية أعضاء المجلس وسائل الإعلام وعدد كبير من مدربي النادي وأعضاء الجمعية العمومية.
وقال مرتضى: “هذا النادي العريق عندما تسلمناه كان خراب ومديون ب ٣٠٦ مليون جنيه واهدار ٩٨٤ مليون جنيه واصبح به فائض ١٩٥ مليون جنيه المفروض يتعمل لنا تمثال”.
وأضاف: “ممدوح عباس ومجلسه المزورين خطفوا النادي، الفلوس دي كلها هتروح لو دخلت خزينة النادي مش مكفيه انه خرب النادي وكمان الدولة بتتفرج عليه وانا مش هحط الفلوس في الحساب”.
وتابع: “العتال بيقول مش من حق الجمعية العمومية تقول نحط الفلوس في البنك ولا لأ وقرارها ملوش لازمة لأ يا هاني انت اللي ملكش لازمة واللي تقوله الجمعية العمومية يمشي علينا كلنا”.
واختتم: “معنديش مشكلة اني احط الفلوس في البنك لأنها مش فلوس النادي بس لو اتحطت النادي هينزل درجة تانية محدش هيبقي يقبض فلوسه لا موظفين ولا لاعبين ولا عمال”.
