ناجتس الفراخ فى البيت

نهى الزينى

المقادير

نص بانيه تفرميه ناعم في الكبه
بصلايه وسط مفرومه ومتصفيه كويس
واحده بطاطس وسط مسلوقه ومهروسه بالشوكه
نص كوب بقسماط ناعم
معلقتين زيت كبار
بهاراتك(ملح وفلفل وبابريكا وتوم وبصل بودر)
معلقه لبن بووودر

الطريقه
هنجيب طبق ونحط فيه كل حاجه من المكونات اللي فوق كله علي بعضه واعجني بايدك كويس وبعدين تجيبي صينيه ذي الصورة كده وتحطي عليها كيس وتدهني الكيس زيت وتفرديها بقي قرص كبير وتدخليها التلاجه نص ساعه تمسك نفسها عشان تعرفي تشكليها

بعد ماتطلعيها من التلاجه شكلي الحجم والشكل اللي تحبيه مثلثات مربعات دواير براحتك

تحضري بقي دقيق وبيض وبقسماط وتنزلي بيها فالدقيق وبعدين بيض وبعدين البقسماط وتدخل الفريزر عشر دقايق وتطلع علي زيت متوسط الحرارة ونار وسط وتقلبيها باستمرار عشان متتلسعش وبالف هنا