إنجي خلال لقاء متلفز: أنا ضد المساواة بين الراجل والست

قالت الإعلامية إنجي على أنها ضد المساواة بين الرجل والمرأة التي تطالب بها السيدات، مشيرة غلى أن السيدات في هذا الوقت اخذن حقهن «تالت ومتلت».

وأضافت إنجي على في تصريحات تليفزيونية: «أنا ضد المساواة بين الراجل والست، وأنا النهاردة شايفة إن ده أحد الأسباب اللي عمل خلل في المجتمع، موضوع إن الست طول الوقت بتطلب المساواة، والستات النهاردة أخدوا حقهن تالت ومتلت على جميع المستويات، ده من وجهة نظري وده رأيي، الحياة كلها آدم وحواء من بدء الخليقة».

وتابعت «علي»: «بقول للستات اللي بيضغطوا على أزواجهم وبيطلبوا أكتر من قدراته يهدوا شوية والكلمة الحلوة بتفرق إحنا بقينا بخلاء حتى في الكلمة، وأقوى ست في العالم هي الست المصرية، لأنها ملهاش مثيل في أي حاجة، والناس بتحب الرجل المصري وخفة دمه».