ازاى تخلى طفلك نضيف على طول‎

** استحمام الولاد يكون مرتين بالشتاء وكل يوم بالصيف ..وفى الصيف كفايه 3 مرات بالشعر وكل يوم جسمهم
**عيب والله لما ابنك يقوم على التلفزيون ولا على اللعب ! لازم يدخل الحمام وتغسلى وشه وايده ولو محتاج يغير غيريله كل ده قبل الفطار .?

**لو لبسهم اتبقع يتخلع فى ساعتها ويتحط فى الغسيل.. او يتنقع لو بقعه بتثبت

**لو بيروحو مدرسه اهتمى بنظافه شعرهم قوى جدا خالص يعنى مره ف الاسبوع اعمليلهم حمام زيت الشعر ??

**قص الاظافر مره ف الاسبوع وخليها الجمعه مع غسل الجمعه يبقى اتعلمو سنه وحسو انه يوم مختلف

**تغير الشرابات يوميا

**ممنوع دخول الحمام بدون شبشب .

**فى اى خروجه ﻷاطفال تحت عمر5 سنين لازم غيار اضافى كااامل يكون فى شنطتك

**العساسيل اللى مناخيرهم على طول بتعيط انتو بتوجعو بطن كل اللى بيشوفكو
عيب بجد ان ام تبقى متطوره وعندها فيس بوك وابنها بيمسح ف كمه! ..او مبيمسحش مناخيره اصلا

**لازم من سن 3 سنوات يتعلم يستعمل المنديل ويرميه فى السله ..ولازم جيبه يكون فيه منديل ف اى خروجه

**لو اتعود الطفل يلم لعبه بعد ما يخلص ويرمى مخلفاته فى السله ..تبقى نجحتى فى تربيه طفل نظيف يشرف.?

**لو هتستعملى برفان رشيه على الهدوم قبل ما يلبسها بساعه على الاقل ..علشان تحمى صدره من اى حساسيه اكيده ..بسبب العطور .

**لو شعره ناعم بلاش زيوت وكريمات وتلزيق لان الزيوت بتجذب الاتربه للشعر

**رطبى بشره الاطفال حديثى الولاده بالزيوت بعد الاستحمام

**اهتمى بتنشيف جسم وشعر طفلك كويس بعد الاستحمام